Nga foltorja e Kuvendit deputeti Halit Valteri në interpelancë me ministrin e Brendshëm Sandër Lleshaj ka ngritur sot disa shqetësime. Në fjalën e tij Valteri tha se në interpelancë ishte për lotët e babait të Andi Malokut, i cili kërkon drejtësi nga ju.
“Lidhja me krimin është e vetmja përgjigje që japim. Krimi frikëson, por nuk ju mjafton as Roshi dhe as bandat e Damian nga veriu në jug. Po le të futemi në temë. Ju kujtoj atentatin që iu bë prokurorit Arjan Ndoja, ku shoferi i tij Andi Maloku humbi jetën pak orë më pas në spital.
Dhe unë këtu jam pikërisht për lotët e atij babait që erdhi më takoi e kërkon nga ju zbardhjen e vrasjes. Të vihen përpara drejtësisë përgjegjësit që ai njeri të qetësohet sadopak shpirtërisht.
Ju thoni shpesh se policia punon, policia zbardh, parandalon një përplasje mes bandave, por lidn pyetja a keni pasur informacione ju për këtë ngjarje, që do të kishte një përplasje mes bandave në Durrës?, u shpreh Valteri./Bl.Ba/Fjala.al
