“Vendim i pritshëm”. Kështu e ka komentuar vendimin e KPK për shkarkimin e saj nga detyra gjyqtarja Fatmira Hajdari.
Ndërsa avokati i saj Maks Haxhia tha se shkarkimi është i paligjshëm dhe do të apelohet. “Shkarkimi është i paligjshëm. Pasuria e saj justifikohet, prandaj vendimi do apelohet”, tha ai.
Komisioni i Pavarur i Kualifikimit ka shkarkuar sot gjyqtaren Fatmira Hajdari. Gjyqtarja e Gjykatës së Apelit të Tiranës u përball të hënën në KPK me një sërë pyetjesh mbi transaksionet me pronat, me ndërtimin e një pallati 10-katësh pa leje dhe për një bilanc negativ që shkon më shumë se 52 milion lekë, sipas analizës financiare për të ardhurat dhe shpenzimet të bërë nga Komisioni.
Relatimi që zgjati 1 orë e 20 minuta, përfshiu po ashtu një sërë pasurish që sipas KPK nuk ishin deklaruar asnjëherë, përfshirë një ullishte dhe disa transaksione të djalit të Hajdarit në aksione kompanish që i ishin dhuruar pa kundërshpërblim./Bl.Ba/Fjala.al
