Përplasja me një kamion gjatë një prej fazave të stafetës që po zhvillonte në një aks rrugor, e ka aksidentuar rëndë kampionin paraolimpik Alex Zanardi dhe ka tronditur botën sportive. Sportisti i njohur, fitues i disa medaljeve është shtruar në spital në kujdesin intensiv.
Në një zbritje poshtë autostradës 146 në komunën e Pienza, në provincën e Sienës, erdhi dhe përplasja e tmerrshme me një maune që vazhdoi në drejtim të kundërt. Alex Zanardi lufton mes jetës dhe vdekjes, përsëri, për herë të dytë. Dhe përsëri shpejtësia dhe dashuria për sportin në fatin e tij bëhet thuajse fatale.
Ai ishte në shoqërinë e disa shokëve dhe po mbulonte kilometrat e fundit të njërës prej fazave të stafetave në biçikletën e modifikuar të cilës i jep me dorë. Ky është një mjet i rezervuar për atletët paralimpikë. Alex përplasi kokën dhunshëm, duke humbur kaskën.
Fillimisht i vetëdijshëm, ai u transportua me helikopter në spitalin Le Scotte në Siena, ku iu nënshtrua një ndërhyrje urgjente neurokirurgjikale përpara se të shtrohej në spital në kujdesin intensiv. Kushtet e tij, sipas një buletini të parë mjekësor, “janë jashtëzakonisht serioze”.
