Basha takim me qytetarët tek Unaza e Re: Ne do iu kthejmë qeverisjen shqiptarëve

113 563 lexime

124,178FansaPëlqeje

Kreu i Partisë Demokratike Lulzim Basha ka zhvilluar një takim me qytetarët dhe me përfaqësues të bizneseve në zonën e Unazës së Re.

Basha shprehet se Ramavirusi rriti papunësinë dhe mbylli bizneset, duke  shtuar se PD me ardhjen në pushtet do iu kthej qeverisjen shqiptarëve.

“Në Tiranë e kudo në Shqipëri situata po rëndohet çdo ditë e më shumë. Papunësia po rritet, bizneset po mbyllen e ndërsa qeveria duhet të ndërmarrë hapa të menjëhershme për t’u ardhur në ndihmë, ajo vijon me propagandën e ngopjes me lugën bosh.

Banorë dhe sipërmarrës të vegjël në zonën e Unazës së Re me të cilët bisedova sot, më treguan se e kanë të pamundur të shlyejnë dhe faturat, të cilat u kanë ardhur dyfish më të larta.

Tarifat vendore janë rritur, çmimet janë rritur, ndërsa të ardhurat kanë rënë. Shumë prej tyre, edhe pse u ka ardhur njoftimi se kanë përfituar pagën e dëmshpërblimit për muajt e karantinës, nuk e kanë marrë atë akoma”, shkruan Basha.

Sipas Bashës, në 7 vjet paratë e mbledhura nga taksat e rritura, Ramavirusi i çoi tek një grusht oligarkësh, ndërsa qytetarët në ditët e tyre më të vështira, i la në mëshirë të fatit.

“Sot, të gjithë e dinë se me RAMAVIRUSIN, situata për qytetarët vetëm do të rëndohet, ndërsa oligarkët, taksidarët dhe qeveritarët janë sulur të Kapin Ça të Kapin.

Kjo situatë do të marrë fund me bashkimin më të madh në këto 30 vite të shqiptarëve që duan ndryshimin. Të gjithë ata që kanë abuzuar me taksat e shqiptarëve do të japin llogari deri në një.

Ne do t’u kthejmë qeverisjen qytetarëve. Ne do të bëjmë gjithçka për çlirimin dhe ringritjen e ekonomisë, për punësimin dhe mirëqenien e çdo shqiptari”, përfundon Basha./Bl.Ba/Fjala.al

Të fundit

Dollari rënie drastike, euro në ngritje/ Kursi i këmbimit, 4 Prill 2025

Ditën e sotme në tregun valutor, monedha euro do të këmbehet me 98.8 lekë në blerje dhe 99.8 lekë...

Ndarja nga jeta e Margarita Xhepës, mbahen sot homazhet për ikonën e kinematografisë

Margarita Xhepa do të përcillet në banesën e fundit sot, pas homazheve që do të mbahen nga ora 10:00-13:00 në hollin e Teatrit Kombëtar të...

Hakera brenda SPAK, rrëmbehen dosjet e tre prokurorëve

Një ndërhyrje e paprecedentë kibernetike ka goditur Prokurorinë e Posaçme, duke vënë në pikëpyetje sigurinë e informacionit brenda institucionit më të rëndësishëm të hetimeve...

Temperaturat në rënie/ Moti për ditën e sotme

Ditën e sotme moti parashikohet të jetë i paqëndrueshëm. Era do të fryjë nga kuadrati i veriut me shpejtësi mesatare deri në 7m/s, hera-herës me...

Lajme të tjera

Web TV