Rihanna vazhdon të ndriçojë njësoj si një diamant. Këngëtarja dhe sipërmarrësja 32 vjeçare, në një përpjekje të përbashkët të iniciuar bashkë me kreun e Twtitter, Jack Dorsey dhe inciativë e tij #SmartSmall, kanë dhuruar 15 milionë dollarë për Fondacionin Clara Lionel, para që do të shkojnë në shërbim të shëndetit mendor në këto kohë sfidash të mëdha, trazirave sociale, protestave dhe situatës së koronavirusit.
Këngëtarja u shpreh në një deklaratë për fondacionin: “Padrejtësitë racore, të diktuara nga ky sistem, kanë dëmtuar shëndetin mendor dhe kanë patur një impakt të frikshëm tek secili prej nesh dhe familjet përqark Amerikës”.
“Edhe pse disa shtete po përjetojnë lehtësimin e kufizimeve nga pandemia, sërish miliona amerikanë vazhdojnë të përballen me sfida duke nisur nga shëndeti i tyre, mendor dhe ekonomik” shprehet 32 vjeçarja. 15 milionë dollarë do të shkojnë për kurimin e shëndetit mendor dhe parandalimin e vetëvrasjeve, sikurse edhe për shërbimin ndaj fëmijëve në nevojë, studentëve në rrezik dhe të rinjve, pjesë e komunitetit LGBTI” përfundon Rihanna teksa sqaron nevojën për të dhuruar shumën e majme bashkë me themeluesin e CEO-n e Twitter./Re.Gu/Fjala.al
