Sherif Kallaku është një mesfushorët më të talentuar të Kategorisë Superiore dhe padyshim që trokitjet në derën e Teutësa nuk mund të mungonin.
Burime për Grupin Mediatik “FJALA” bëjnë me dije se për futbollistin nga Fushë-Kruja së fundmi ka shfaqur interesim konkret ekip i njohur në Poloni Slask Wroclaw. Madje burime bëjnë me dije se është arritur dhe një akord mes Teutës dhe ekipit polak dh 22-vjeçari ka nënshkruar një kontratë dy vjeçare me të.
Zyrtarizimi pritet të vijë në orët e ardhshme ku do mësohet dhe shifra e transferimit.
Mesfushori nuk do të jetë shqiptari i parë që do të luajë për Slask Wroclaw, pasi më herët ka luajtur dhe sulmuesi Sebino Plaku.
Para transferimit tek Teuta, Kallaku është aktivizuar me Laçin në Superligë, ndërkohë që ka qenë dhe ekipit të kombëtares shqiptare U21./En.Br./Fjala
