“Situata po vjen duke u përkeqësuar, edhe pse njerëzit i janë kthyer jetën normale dhe nuk po zbatojnë rregullat e rekomanduar”. Kështu e ka përshkruar situatën në vend të prekur nga koronavirusi mikrobiologu i njohur, Et’hem Ruka.
Me anë të një postimi në rrjetin social, Ruka shkruan se kjo është një valë e dytë që nuk dihet kur do e arrijë pikun dhe se do të jetë më e rëndë se e para.
Statusi i plotë:
22 QERSHOR 2020: SITUATA E COVID-19 NE VENDIN TONE
Situata e pandemisë ne vendin tone po vjen duke e përkeqësuan, ndërkohe që njerëzit i janë kthyer jetës normale dhe jo te gjithë zbatojnë rregullat e rekomanduar nga mjeket.
Sot përshembull, numri i të shtruarve ne spital arriti ne 82 paciente. Ky numër te shtruarish u shënua vetëm me datën 2 prill.
Siç shihet nga grafiku vijëzor, piku i pare i shtrimeve u shënua ne fillim te prillit. Tani kemi një vale te dyte te cilën nuk e dimë se kur do ta arrije pikun, por me shume gjasa do te jete shume me e rende se e para. Po ashtu numri i individëve pozitiv arriti 792 te cilët përbejnë edhe arsenalin e infektimit te individëve te shëndoshe. Ne realitet ky numër duhet te jete edhe me i madh se kaq.
Ky është numri me i larte i shënuar qe nga fillimi i pandemisë. Kam konstatuar se informacionet për covidin nuk kane me interes, megjithatë unë do vazhdoj t’i informoj miqtë e mi virtuale ne Fb. Te gjitha te dhënat mbështeten vetëm ne rezultatet e komunikuara zyrtarisht nga Ministria e Shëndetësisë.
Bo.Ba/fjala.al
