Një ndeshje e pabesueshme në “Meazza” që askush nuk e priste përballë dy skuadrave me objektiva diametralisht të kundërt. Lojë e çmendur në stadiumin San Siro aty ku Inter dhe Sassuolo barazuan 3-3 në një mënyrë aspak të zakonshme që mbajti në ankth tifozët e dy ekipeve, deri në sekondat e fundit.
Rezultati është një goditje e madhe për shpresat e titullit kampion në Serie A, të skuadrës së Conte, me Juventus që tani është 8 pikë larg. Sassuolo shënoi pas 2 minutash lojë në San Siro, kur Djuricic i papërmbajtshëm, më i miri në fushë, i dha Caputo ndihmën kryesore për shifrat 1-0. Inter rrezikoi, por përfundoi pjesën e parë në avantazh 2-1 pas penalltisë së belgut Lukaku dhe rrjetës së bukur nga Biraghi.
Më pas nisi “çmenduria”… Gagliardini shpërdoron një gol me një portën të zbrazët që do ta kishte shënuar edhe një amator, Young i dhuroi miqve penalltinë që e shënoi Berardit në 81’, por nuk ka mbaruar. Defreli i përgjumur i jep mundësinë zikaltërve të shënojnë me Borja Valero, para se në minutën e 89, Magnani të çonte ndeshjen 3-3, aty ku nuk lëvizi më. Tani kampionati është larg për Inter, dhe titulli nuk kapet dot me këtë distancë nga rivalët.
