Plas sherri brenda sallës së seancës plenare. Debate të forta janë dëgjuar nga deputetët mes dy opozitarëve të rinj, Ralf Gjoni dhe Halit Valteri.
Dëshmitarë të debatit, brenda sallës së Kuvendit bënë me dije për “Fjala.al” se Valteri ka fyer me sharje të rënda Ralf Gjonin, e më pas të dy janë kacafytur ulur në vend.
Kaq ka mjaftuar për të ndezur debatin, teksa ka ndërhyrë menjëherë Myslym Murrizi, i cili ka nxjerrë jashtë sallës Halit Valterin.
Gjoni nuk e ka duruar dot ndërhyrjen dhe si pasojë i ka përmendur herët që ata kanë folur në Kuvend, dhe më pas i ka kërkuar që të përfundojnë fjalën e tij.
“Kam të drejtën time. Halil (Jakimi) ti je nga të paktën që ke folur. Të lutem, nuk e kuptoj acarimin tuaj. Halit (Valteri) të lutem! Nuk bëhem pjesë e asnjë loje. Nuk kam hyrë në parlament prej teje. Me lejoni ta përfundoj.
Nuk kam dëshirë të bëhem pjesë e asnjë pazari politik. Në emër të procedurave iu kërkoj t’i jepni drejtim. Unë mendoj që sot duhet të bërtasim mjaft me lojra. Nuk mund të ketë ndryshim të sistemit të drejtësisë nëse nuk ka reformim të sistemit politik, i cili fillon me sistemin zgjedhor”, tha Gjoni.
Ndërsa në ndërhyrjen e tij Ruçi tha:”Kërkuat procedurë. Ato që the janë kundër transparencës dhe procedurës. Ju lutem zbatojini. Sistemi elektoral është tagër Kushtetues. Nuk ka procedurë për këtu. Jo, jo s’ke të drejtë të më bësh replikë ti, për replikën që të bërë unë ty..”/Bl.Ba/Fjala.al
