Katër rastet e reja të konfirmuara në 24 orët e fundit si të infektuar me koronavirus në Kukës, dyshohet të jenë infektuar në një funeral.
Kjo pasi të prekurit me Covid-19, kanë shfaqur simptoma të virusit, pasi morën pjesë në një funeral.
Aktualisht vijon hetimi epidemiologjik për të zbuluar deri ku është shtrirë zinxhiri i infeksionit, teksa po kryhet testimi i kontakteve.
Në vendin tonë janë aktualisht 894 persona aktivë me Covid-19, dhe 49 viktima.
Shpërndarja gjeografike e rasteve aktive sipas qarqeve Tiranë 370; Durrës 176; Shkodër 153; Vlorë 79; Fier 41; Lezhë 26; Korçë 20; Kukës 12; Elbasan 9; Gjirokastër 6 dhe Berat 2./Bl.Ba/Fjala.al
