Një makinë ka përplasur një të mitur në rrugën Kosova në Kamëz. Ngjarja ka ndodhur pasditen e sotme rreth orës 17:53. Bëhet me dije se drejtuesi i mjetit M.H ka aksidentuar të miturin O.D, 10-vjeç i cili ishte me biçikletë.
Ndërkohë nga uniformat blu bëhet me dije se i mituri është dërguar me urgjencë në spital ku dhe po merr ndihmën e parë.
Njoftimi:
Më datë 26.06.2020, rreth orës 17:53, në rrugën “Kosova”, në Kamëz, mjeti me drejtues M.H, ka aksidentuar biçiklistin e mitur me iniciale O.D., 10 vjeç, i cili u dërgua në spital, dhe ndodhet nën kujdesin e mjekëve. Mjeti dhe drejtuesi i mjetit janë në vendngjarje.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes./Re.Gu/Fjala.al
