Dhjetëra qytetarë nga Durrësi kanë dalë mëngjesin e sotëm në protestë, pasi pretendojnë se janë përjashtuar padrejtësisht nga lista e përfituesve nga grandet e Rindërtimit për banesat e dëmtuara nga tërmeti i 26 nëntorit.
Ata janë mbledhur para bashkisë së Durrësit dhe kërkojnë që të futen te listat e përfitueseve. Këshilli Bashkiak i Durrësit miratoi të enjten listat e përfituesve teksa në korrik fillon dhënia e granteve për familjet e banesave të dëmtuara në shkallën DS1, DS2, DS3.
Kujtojmë se bashkia e Durrësit nuk ka një kryebashkiak aktual, por drejtohet nga e komanduara, Emiriana Sako.
/En.Br./Fjala.al
