Beteja e zhvilluar nga piloti anglez Lewis Hamilton në javët e fundit lidhur me luftën kundër racizmit, të rikthyer në diskutim pas vdekjes së George Floyd në Minneapolis në 25 maj të vitit të kaluar, prodhoi një iniciativë të bujshme nga ekipi i kampionëve në fuqi të botës.
Sipas mediave italiane, në Kampionatin Botëror në startin e shumëpritur të Formula 1 në Austri Mercedes do të ketë një “black look” thuajse totale, si një sinjal që mbështet luftën ndaj fenomenit negative.
Më shumë sesa Shigjetat e Argjendta, tani do të na duhet t’i quajmë Shigjeta të Zeza. Katër ditë pas seancave të para të praktikës së lirë të Grand Prix austriak, Mercedes ka zbuluar dizenjon e bukur, një “look” totalisht “black” të W11 e cila do të drejtohet në pistë nga Lewis Hamilton dhe Valtteri Bottas.
Makinat e “yjeve” që do të synojnë fronin botëror tani janë pothuajse plotësisht të zeza, me disa pjesë të kuqe dhe jeshile, të lidhura me sponsorët. Fjala “End Racism ” qëndron në anë, duke identifikuar një zgjedhje që Drejtori i Ekipit Toto Wolff nënvizon me këto fjalë: “Racizmi dhe diskriminimi nuk kanë vend në shoqërinë tonë, në sportin tonë, në ekipin tonë: është një parim themelor për Mercedes”.
