“Të gjithë proletarët e të gjitha vendeve do të bashkohen, të mos ndahemi për tema të mëdha”
Kështu deklaroi kryeministri Edi Rama gjatë konferencës për mediat në Prishtinë. Sipas tij në Tiranë dhe Prishtinë shpesh krijohet helm për të prishur miqësitë dhe rregullsitë.
Kreu i qeverisë shtoi më tej se kush i thotë vëllai i Vuçiçit, ai i thotë “amanet mushkat”.
“Unë nuk udhëzoj njeri. Unë nuk mendoj se të gjithë proletarët e të gjitha vendeve do të bashkohen. Duhet të jemi respektues ndaj njëri – tjetrit dhe të mos ndahemi për tema të mëdha. Njohja e Kosovës nga Serbia si shtet sovran është e rëndësishme. Ata që bëjnë patriotin më të madh janë më të dyshuarit në tërësi.
Kam mësuar se ne bëjmë shpesh intriga më shumë me njëri-tjetrin, siç thotë Fishta, bëhemi shpesh siç e do hasmi. Çfarë na ndan shqip, nuk thuhet anglisht. Për fat të keq në Tiranë dhe Prishtinë shpesh krijohet helm për të prishur miqësitë dhe rregullsitë. Mendoj se Shengeni Ballkanik është diçka e mirë për të gjithë ne. kjo sepse “shuan” kufijtë. Fqinjin nuk e zgjedh, as presidentin serb nuk e zgjedhim ne, por ne zgjedhim interesin strategjik dhe sinqeritetin në mjete për të realizuar interesin tonë. Me Shengenin, kush hyn në Aeroportin Adem Jashari, mund të shkojë deri në Sarandë. Kush hyn nga Kakavija, mund të vijë deri në Brezovicë pa kontroll fare. Nuk kemi kohë për të bërë politika me këto gjëra. ne kemi dy shtete, kemi dy shtëpi dhe këtu ka të tjerë që vendosin Kush më thotë vëllai i Vuçiçit, unë i them ‘amanet mushkat”, deklaroi Rama.
/En.Br./Fjala.al
