MTV Video Music Awards 2020 do të mbahet më 30 gusht në Qendrën Barclays të Brooklyn, nuk do të ketë asnjë shtyrje, edhe pse në sallë do të ketë shumë pak spektatorë apo edhe pa spektatorë fare, për shkak të pandemisë dhe sido që të jetë situata deri në fund të gushtit.
Guvernatori i Nju Jorkut, Andrew Cuoama bëri publik vendimin e tij. Politikani 62 vjeçar shpjegoi se vendosi të lejojë mbajtjen e këtij eventi të rëndësishëm për botën e showbizit dhe të gjithë industrinë e muzikës vetëm me kushtin që të ndiqen udhëzimet e sigurisë, përfshirë këtu audiencë të limituar apo pa audiencë fare.
Njoftimi erdhi fill pasi ceremonia e çmimeve BET Awards 2020 u mbajt virtualisht e u transmetua në rrjetin televiziv CBS, për herë të parë në histori. Kjo do të jetë hera e parë që ceremonia e çmimeve MTV Video Music Awards do të mbahet në qendrën Barclays që prej vitit 2013.
Prej javësh, organizatorët e eventit janë takuar me zyrtarë të qeverisë dhe autoritetet shëndetësore, për mënyrën më të sigurt për të organizuar mbrëmjen më të rëndësishme të botës së muzikës për këtë vit.
Vitin e shkuar, MTV Video Music Awards u mbajt në Prudential Par në New York,New Jersey, ku Taylor Swift triumfoi me çmimin “Video e vitit 2019” me videoklipin e këngës “You Need To Calm Down”. Ndërkohë që New York pritet të hyjë në fazën e 3 të rihapjes pas pandemisë Covod-19, më 6 korrik./Re.Gu/Fjala.al
