Virusi i ri COVID-19 mund të sjellë një risi për futbollin. Bilbilat klasik që janë implementuar 140 vite më parë, mund të zëvendësohen nga bilbilat elektronikë.
Sipas ekspertëve gjyqtarët janë me risk më të lartë të infektimit me COVID-19 në futboll dhe një prej arsyeve kryesore është përdorimi i bilbilit. Sipas Verni Harris, një arbitër amerikan me një eksperiencë të gjatë në basketbol, gjyqtarët janë më të ekspozuarit ndaj riskut, pasi prekin topin që ka kontakt me të gjithë lojtarët, e më pas vendosin bilbilin në gojë.
Bilbili elektronik është i tillë që gjyqtarët e mbajnë mes gishtave dhe nëpërmjet një butoni krijojnë një tingull të vërshëllimës dhe ka formën e një elektriku të vogël dore.
/En.Br./Fjala.al
