Gjermania ka marrë presidencën e Këshillit Evropian për gjashtëmujorin e dytë të vitit.
Lideri i AAK-së Ramush Haradinaj, beson se gjatë kësaj periudhë do të liberalizohen vizat për Kosovën.
Me anë të një postimi në rrjetin social, Haradinaj shkruan se kancelaria gjermane Angela Merkel i kupton nevojat e Kosovës si askush tjetër në BE.
Postimi i plotë
”Që sot, Gjermania kryeson Presidencën e Këshillit të BE-së për gjashtë muajt e ardhshëm. Shteti gjerman me konsistencë ka mbështetur Kosovën drejt pavarësisë dhe shtet-ndërtimit, prandaj kryesimi i BE-së nga një aleat si Gjermania, përbën lajm të mirë për qytetarët e Kosovës. Kancelaria Merkel si askush tjetër në BE i kupton nevojat e Kosovës që janë ndrydhur për një kohë të gjatë, si pasojë e politikave të ngadalta të Bashkimit Evropian. Nuk kam dyshim që përgjatë mandatit gjashtëmujor të Gjermanisë në krye të BE-së, një energji e re do ta përfundojë procesin e liberalizimit të vizave për qytetarët e Kosovës dhe do t’i çojë përpara proceset integruese të Kosovës në organizatat dhe institucionet e Bashkimit Evropian. RH”
Bo.Ba/fjala.al
