I mësuar të fitojë në fushë dhe të jetë një kontigjent me vite me radhë në kombëtaren shqiptare, tani Orges Shehi pret të shtojë trofetë edhe në pankinë. Synimi primar këtë sezon është Kupa e Shqipërisë me Kukësin. Distanca me Tiranën në kampionat, e bën titullin një mission thuajse të pamundur, e kështu tekniku durrsak e ka fokusin te Kupa.
“Ndeshja e parë gjysmënale e Kupës së Shqipërisë është mjaft e rëndësishme, sepse luhet mes dy skuadrave që janë në pjesën e sipërme të klasikimit të kampionatit. Dy skuadra që kanë ambiciet e tyre. E kam parë kundërshtarin, që po bën mirë kohët e fundit. Pra, është një ndeshje e rëndësishme dhe mendoj se e kemi përgatitur në mënyrën e duhur, duke pasur parasysh që nuk mbaron asgjë nesër, por ka edhe një ndeshje kthimi. Nesër, është më e rëndësishme të shënosh apo mos të pësosh? Për mua, e rëndësishme është të jesh i kujdesshëm, të jesh në ekuilibër, duke pasur parasysh që nuk mbaron nesër çështja e kualikimit për në nale. Janë të rëndësishme të dyja fazat e lojës” tha Shehi.
“Skuadra ka ngarkesë, pasi është po ai grup lojtarësh, vetëm me dy apo tri ndryshime. Jemi munduar që të alternojmë forcat në fushë për të pasur një kontigjent që iu përgjigjet të dy kompeticioneve, Kupës dhe kampionatit. Kështu, këto ditë jemi munduar ta riaftësojmë skuadrën për nesër. A është Kupa shpëtimi i sezonit? Unë jam trajner dhe kam për detyrë të toj çdo ndeshje. Pra, e përgatis skuadrën për të tuar çdo ndeshje. Nuk jam zyrtar i klubit për të thënë nëse Kupa është shpëtimi i sezonit apo jo. Është një trofe i rëndësishëm për ne. Si në Kupë, edhe në kampionat do luftojmë fort, derisa të mos kemi mundësi, sidomos në kampionat, ku është edhe matematika në mes. Kurse në Kupë janë dy ndeshje që të çojnë në finale, ndaj kanë vlerësimin e duhur nga ne” tha Shehi.
