Javët e fundit për skuadrën e Barcelonës duket se nuk kanë qenë aspak pozitive. Rezultatet jo të mira dhe debatet midis skuadrës dhe stafit teknik kanë vënë në pikëpyetje vazhdueshmërinë e trajnerit Quique Setien te stoli i katalanasve.
Kjo gjë ka bërë që Presidenti Josep Maria Bartomeu të zbresë në ‘fushën e lojës’. Mediat spanjolle raportojnë se Bartomeu së bashku me drejtuesit e tjerë të këtij klubi kanë shkuar në shtypin e Setien dhe i kanë shprehur mbështetjen maksimale.
Drejtuesit katalanas i kërkuan atij të jetë i qetë dhe të vazhdojë drejtimin e Barcës, ndërsa tekniku mësohet se u ka shpjegua që mungesa e rezultateve pozitive po vë në pikëpyetje punën e tij. Sipas Quique Setien puna po bëhet siç duhet, por për shkak të disa detajeve janë duke humbur pikë në tabelë dhe po rrezikojnë titullin kampion.ka.ta/Fjala.al/
