Polakët “rikthehen” në Shqipëri, agjencitë turistike nisin ofertat për paketa pas 15 korrikut

113 563 lexime

124,178FansaPëlqeje

Agjencitë polake kanë rinisur shitjen e paketave turistike që përfshijnë bregdetin shqiptar duke lajmëruar se pas 15 korrikut do të ketë fluturime dhe udhëtime me autobus.

Nga një vështrim i faqeve polake që kryesisht kanë sjellë turistë në vendin tonë vitet e shkuara ka nisur promovimi i destinacioneve të tilla si Ksamili dhe Durrësi me paketa all inclusive ose bed and breakfast (hotel dhe mëngjes) që nisin nga 280 euro e arrijnë deri në 500 euro për 9 ditë qëndrim.

Rinisja e shitjes së paketave erdhi vetëm një ditë pasi Bashkimi Europian rekomandoi hapjen e kufijve për disa vende që nuk janë pjesë e BE. Shqipëria edhe pse e penalizuar lidhur me udhëtimin drejt BE të paktën sa i takon politikave të ndërmarra nga ana e Polonisë është trajtuar si një vend ku qytetarët e saj mund të udhëtojnë dhe pas kthimit nuk do të jenë të detyruar të qëndrojnë në karantinë 14 ditore.

Agjencitë konfirmojnë se ka interes për Shqipërinë dhe Malin e Zi ashtu sikurse ka edhe për Greqinë dhe Turqinë të cilat kanë qenë destinacione të konsoliduara të tregut polak ndër vite. Në 2019 polakët shënuan rënie të shifrave sa i takon vizitorëve në venin tonë e argumentuar vitin e shkuar me faktin se Shqipëria ishte bërë e shtrenjtë.

Karantina pas kthimit nga pushimet shihet si një pengesë për turoperatorët outgoing pasi janë vetë turistët që refuzojnë të shkojnë në  destinacione ku kthimi do të shoqërohet me izolim. Kjo është arsyeja pse disa agjenci të tjera nuk kanë fokusuar vëmendjen në paketat turistike të Shqipërisë. Në faqen e Apollo që ka edhe grupin e turistëve nordikë që kanë vizituar Shqipërinë nuk ka oferta të minutës së fundit që përfshijnë bregdetin shqiptar. Të paktën ato që dominojnë janë ofertat për në vendin fqinj si Greqia.

Lexo edhe :  “I duket vetja i bukur”- Rama ironizon Berishën:Bufin tonë e kemi peshqesh nga diktatura

Turizmi këtë vit pritet të ketë një ecuri të dobët duke u fokusuar kryesisht tek ai vendas dhe ai tokësor që vjen në pjesën më të madhe nga Kosova. Në vitin  2019 numri i shtetasve të huaj të hyrë në vendin tonë  ishte 6.4 milionë duke u rritur me 8,1 %, në krahasim me vitin 2018.

Gjatë vitit 2019, ndër vendet që kanë hyrjet më të larta të shtetasve në Shqipëri, Zvicra kishte rritjen më të madhe me 18,2 % ndërsa uljen më të ndjeshme Polonia me 13,9 %. Vitin e shkuar ishin mbi 132 mijë vizitorë nga Polonia ndërkohë që nga Kosova ishin 2.24 milionë vizitorë./Monitor

Të fundit

Gjermania dhe Austria do t’i sanksionojnë Dodikun dhe dy bashkëpunëtorët e tij

Lideri i serbëve të Bosnjës, Millorad Dodik dhe dy bashkëpunëtorët e tij të ngushtë, do ta kenë të ndaluar...

“Vulin të mos jetë pjesë e qeverisë” – Shpërthen Moska: Serbia shtet sovran, BE po mbytet

"Ndërhyrja e paturpshme e burokratëve evropianë në punët e brendshme të një shteti sovran si Serbia është e papranueshme". Me këto fjalë zëdhënësja e Ministrisë...

Kam përjetuar padrejtësi e shtypje”, ish-nusja e Mehmet Shehut flet për bindjet politike

Ajo njihet si ish-nusja e djalit të Mehmet Shehut, një fejesë që nuk u kurorëzua kurrë në martesë më Skënderin. Fjala është Silva Turdiun e...

Të rinjtë shqiptar jetojnë me prindërit, të dytët pas Malit të Zi

Të rinjtë shqiptarë, largohen nga trungu familjar, vetëm kur u duhet të emigrojnë ose të shkojnë për të studiuar jashtë qytetit të tyre të...

“Çfarë kujtimi i ëmbël”, Jessica Alba kujton 20 vjetorin e “Sin City”

Pjesëmarrja e Jessica Alba në filmin “Sin City” nga Robert Rodriguez dhe Frank Miller ishte një nga më të rëndësishmit në karrierën e saj. Pjesëmarrja...

Lajme të tjera

Web TV