Ministrja e Shëndetësisë, Ogerta Manastirliu ka bërë sërish apel qytetarëve për respektim të masave për të parandaluar përhapjen e mëtejshme të koronavirusit. Përmes një video në rrjetin social ‘Facebook’, krahas saj ajo shkruan se në spitalin Infektiv janë duke u kuruar shumë qytetarë, mes tyre ka dhe shumë të rinj të cilët kanë shfaqur simptoma të rënda të koronavirusit.
Ajo u bën thirrje të gjithë qytetarëve të tregohen vigjilentë, veçanërisht të rinjve që të cilët konsiderohen si më pak të prekur, nuk i respektojnë masat e publikuara nga Ministria e Shëndetësisë, por mund të infektojnë familjarët që janë në moshë më madhore.
https://www.facebook.com/OgertaManastirliu/posts/989717958150921
“Sot në spitalin Infektiv mes qytetarëve të shtruar, ka të rinj që po trajtohen për simptoma të rënda të shkaktuara si pasojë e COVID19, sepse virusi nuk bën dallim moshe. Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz! Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e koronavirusit të rrezikshëm mund të frenohet!”, shkruan Manastirliu./Re.Gu/Fjala.al
