Partia Demokratike denoncon se në qytetin e Shkodërës ka mungesë tamponësh. Bardh Spahia, ish-deputet i PD në këtë qark, me anë të një postimi në rrjetin social shkruan se një pacient me klinikë COVID, ka kërkuar të testohet në këtë spital, por i është thënë se nuk ka tamponë. Më tej, ai thotë se e njëjta situatë është edhe me të gjithë pacientët që kërkojnë testim në numrin e urgjencës 127.
Denoncimin i plotë
Sipas një denoncimi që vjen nga Spitali i Shkodrës, një pacient me shenja klinike kërkon të testohet, por i thuhet se nuk ka tamponë!!! Raste të ngjashme janë denoncuar edhe nga ata që kontaktojnë numrin e urgjencës dhe u mohohet testimi edhe pse me shenja të qarta klinike, e të mendosh që Italia fqinje bën 50 mijë teste në ditë. Vetëm në Shqipëri testet janë instrumenti më pak i përdorur, edhe pse kemi një situatë të dalë jashtë kontrollit tashmë, si në qendrat spitalore ashtu edhe në institucionet publike.
Eshtë jetike për të gjithë që të shtohet kujdesi! Ama shteti duhet të bëjë detyrën e tij, të kryejë sa më shumë testime, e sidomos t’u përgjigjet personelit shëndetësor e qytetarëve, që kanë nevojë për tamponë! Nuk kontrollohet situata me shfaqje prej polici nëpër biznese, zonja ministre e shëndetësisë!!! Atë punë e bëjnë fare mirë strukturat e ngarkuara me ligj e vartësit tuaj!
Bo.Ba/fjala.al
