Eksperti i Shëndetit Publik, Erion Dasho përmes një postimi në rrjetin social Facebook, shkruan se të gjithë personat të moshës mbi 65 vjeç dhe ata që vuajnë nga sëmundje kronike të shmangin transportin publik.
“REKOMANDIM URGJENT!!! Me hapjen e transportit publik dhe fotot që qarkullojnë në rrjet ku udhëtarët qëndrojnë ngjitur dhe pa maska, i rekomandoj personave me moshë mbi 65 vjeç dhe/ose atyre të prekur nga sëmundje kronike të EVITOJNË ME ÇDO KUSHT TRANSPORTIN PUBLIK DERI SA TË KRIJOHET BINDJA SE KY SISTEM DO TË ZHVILLOHET I SIGURT!
Mbajtja e maskës nga ju vetë nuk mjafton dhe nuk ofron mbrojtje të mjaftueshme në se të gjithë pasagjerët në mjet nuk respektojnë distancimin fizik dhe mbajtjen e maskave. MBRONI VETEN!!!”, shkruan Dasho.
Gjatë 24 orëve të fundit në vendin tonë janë regjistruar 3 viktima dhe 79 raste të reja të shkaktuara nga koronavirusi Covid-19./Re.Gu/Fjala.al
