Shefja e infektivit Najada Çomo, ka treguar për të parën herë që prej nisjes së pandemisë sfidat me të cilat është përballur stafi atje.
Çomo gjatë intervistës së dhënë në emisioni ‘Open” tha se ajo ka qenë personi që ka njoftuar të gjithë familjarët e viktimave të Covid-19 që kanë ndërruar jetë në spitalin Infektiv.
Doktoresha shtoi më tej se për të infeksioni Covid-19 është sëmundja më e tmerrshme në historinë e punës së saj.
“Unë kam qenë personi që kam informuar të gjithë familjarët për humbjen e njerëzve të tyre të afërt. Ka qenë gjëja më e vështirë që kam bërë. Të flasësh me një person që nuk e njeh dhe ti thuash për ndarjen nga jeta për familjarin e tij, është ndër situatat më të vështira përpos gjërave të tjera. Unë si anëtare e Komitetit kanë qenë fillimisht pro mbylljes dhe më vonë pro hapjes, por pro hapjes së kontrolluar. Një hapje me masa. Ajo është një gjë e domosdoshme, por ajo s’do të thotë ti të fitosh lirinë dhe ajo të cënojë shëndetin e personave të tjerë.Kjo është sëmundja më e tmerrshme që unë kam parë në të gjithë historinë e punës time. Është sëmundje e frikshme, ka shumë të papritura. Ti sot kujton që gjithçka e ke vënë në vijë, dhe pas disa orësh shikon që gjithçka është kthyer përmbys”
Bo.Ba/fjala.al
