Kryeministri i Kosovës, Avdullah Hoti do të zhvillojë takimin e parë me një lider të Evropës, Presidentin e Francës, Emmanuel Macron.
Zyra e kryeministrisë së Kosovës njoftoi ditën e sotme se Hoti do të udhëtojë drejt Parisit për të zhvilluar një takim me Macron.
Kujtojmë se disa ditë më parë Hoti zhvilloi një vizitë në Shqipëri ku u takua me liderët e politikës shqiptare.
NJOFTIMI NGA KRYEMINISTRIA E KOSOVËS
Kryeministri i Qeverisë së Republikës së Kosovës, Shkëlqesia e tij Avdullah Hoti do të udhëtojë sot për në Paris, ku nesër, më 7 korrik 2020, do të takohet me Presidentin e Republikës së Francës, Shkëlqesinë e tij Emmanuel Macron.
Pritja zyrtare që bëhet enkas për kryeministrin e Republikës së Kosovës në Pallatin Elize (Palais de l’Elysée) në Paris, Pallati presidencial i Francës, tregon kujdesin dhe përkushtimin e Presidentit Macron ndaj Kosovës dhe të ardhmes së saj euroatlantike.
