Policia ka arrestuar kryeplakun e fshatit Prishtë të njësisë administrative Çepan të Skraparit, pasi akuzohet për mbjelljen e 295 rrënjëve kanabis.
Mësohet se personi i arrestuar është 39-vjeçari i identifikuar me inicialet J.L, i cili mbante detyrën si kryeplak i fshatit.
Njoftimi i policisë
Kontrrolleve intensive në të gjithë territorin e qarkut për evidentimin dhe goditjen e tentativave për kultivim të kanabisit. Vihet në pranga kryeplaku i fshatit Prishtë, Njësia Administrative Çepan, Skrapar. J.L., 39 vjeç banues në Prishtë Skrapar. Arrestimi i tij u bë pasi në vijim të punës për kontrollin e territorit, me qëllim goditjen e veprimtarisë kriminale në fushën e kultivimit të narkotikëve, shërbimet e Komisariatit të Policisë Skrapar, në vendin e quajtur “Moçalishta” kanë gjetur 295 bimë Canabis Sattiva.
Shtetasi J.L eshte person i dyshuar per kultivimin e bimëve narkotike, gjithashtu duke mbajtur detyrën si kryeplak i fshatit kishte detyrim që të ushtronte kontrolle territori dhe te njoftonte Policine e Shtetit për kultivim të bimëve narkotike. Materialet procedurale u referuan në Prokurorin e Rrethit Gjyqësor Berat, për ndjekje të mëtejshme.
