Shtimi i të infektuarve me COVID-19 në vendin tonë ka sjellë dhe rritjen e numrit të të shtruarve te spitali Infektiv, duke e bërë situatën edhe më shqetësuese.
Autoritetet vendase të shëndetësisë raportuan se është rënduar situata shëndetësore e pacientëve në terapi intensive.
Aktualisht në spitalin Infektiv janë të shtruar 84 pacientë, 11 prej tyre janë në terapi intensive në gjendje serioze dhe 6 prej tyre janë të intubuar, në gjendje të rënde.
Për 24 orët e fundit autoritetet e shëndetësisë raportuan për 82 raste të reja pozitive me COVID-19 duke e çuar në 3188 numrin total të të infektuarve në vend.
1273 prej tyre janë aktualisht aktiv me virus, ndërkohë që janë regjistruar he 83 humbje jete.
/En.Br./Fjala.al
