LSI duket e sigurtë se do vijë në pushtet dhe këtë e reklamon në shumë raste. Por në shumë raste të tjera kjo parti këkron më shumë vota sesa anëtarësia e saj. Po përse shqiptarët duhet të votojnë LSI? Monika Kryemadhi përgjigjet në emisionin HARD TALK NGA ROLAND QAFOKU se të jesh pjesë e LSI-së je pjesë e një familjeje të madhe.
-Zonja Kryemadhi, pse duhet t’iu besojnë dhe t’iu votojnë juve shqiptarët?
-Unë e kam shumë të thjeshtë për t’a thënë këtë gjë. Nëse dikush nuk ka punuar apo nuk ka votuar me LSI-në, mjafton t’i drejtohet dikujt që ka votuar për LSI-në, dikujt që ka punuar me LSI-në dhe do të thotë që të jesh pjesë e LSI-së nënkupton të jesh pjesë e një familjeje. Dhe njerëzit e një familjeje kujdesen shumë për njëri-tjetrin. LSI-ja kujdeset për njerëzit e saj. LSI-ja ua jep shansin njerëzve të saj. Por problemi tani është që LSI-ja do dalë jashtë njerëzve të saj. Sot LSI-ja do ia japë shansin të gjithë shqiptarëve sepse ka ardhur koha që shqiptarët të kenë një shans për të ecur përpara dhe jo vetëm për të pasur shansin për një vend pune dhe për të marrë një lëmoshë. LSI-ja ua ka dhënë shansin shumë të rinjve dhe të rejave dhe çdo i ri dhe e re që ka dëshirë të realizojë ëndrrat e tij e gjen veten në LSI. Ne na ka dalë nami që i fusim njerëzit në punë, ne na ka dalë nami që e mbajmë fjalën, kshu që mendoj se slogani ynë më i mirë është “Takoni ata që kanë jetuar me LSI-në dhe do të kuptoni se kush është LSI-ja.”/Fjala.al/Ke.Ba
https://www.youtube.com/watch?v=4mrg3SmyDZI
