Ballshiotët ngadhënjejnë vetëm në minutën e 97-të ndaj Flamurtarit. Java e 33-të e Kategorisë Superiore të Kampionatit Kombëtar të Futbollit ka ngritur siparin të premten në mbrëmje, me takimin Flamurtari-Bylis, që u fitua me vështirësi nga miqtë me rezultatin 3-2.
Në fakt, pjesa e parë ka qenë e vakët në lojë në gjysmë-orën e parë të saj, por në minutën e 32-të Malçi zhbllokon takimin duke krijuar idenë se ballshiotët do ta administronin shumë lehtë sfidën. Por Hoxhaj u kundërpërgjigj për vendasit 4 minuta më vonë, duke përfituar nga një gabim në mesfushë i Bylisit dhe mposhti portierin Isli Hidi.
Në barazim 1-1 do të mbyllen 45 minutat e para, ndërsa ato të dytat sollën edhe 3 gola të tjerë. Ballshiotët fitojnë një 11-metërsh në minutën e 63-të dhe veterani Isli Hidi e mori përsipër duke mos gabuar para Moçkës. Por Flamurtari u kundërpërgjigj sërish, kur Murataj shkakton 11-metërsh në minutën e 77-të. Kapiteni i Flamurtarit Andi Ribaj vendosi sërish takimin në barazpeshë, duke mos gabuar nga pika e bardhë.
Në minutat e mbetura, Flamurtari u përpoq të mbronte rezultatin, kurse Bylisi nuk pajtohej me barazimin. Në një moment shpërqendrimi të vlonjatëve, të mbetur në shtesë me 10 lojtarë. Malçi vulosi fitoren e Bylisit duke marrë me vete një fitore të vuajtur, por mjaft të vyer.
