Inter dhe Barcelona kanë arritur marrëveshjen për transferimin e Lautaro Martinez në “Camp Nou”.
Ky lajm është bërë publik nga mediat spanjolle, të cilat raportojnë se tashmë finalizimi mbahet peng vetëm nga Philippe Coutinho.
Katalanasit duan ta shesin brazilianin dhe me paratë që do marrin prej kartonit të tij, duan të paguajnë atë të Lautaros.
Ndërsa duket se asnjë nga palët nuk e ka me nxitim, pasi lojtari zikaltër nuk mund te federohet te Barça para shtatorit.
Atë muaj do të hapet merkato dhe Barcelona mund të grumbullojë shumën për të paguar kartonin e argjentinasit.
Këtë sezon Coutinho ka qenë i huazuar te Bayern Munich, por këta të fundit nuk duan të paguajnë për transferimin e tij në gjermani.
Megjithatë katalanasit janë optimistë për shitjen e tij, pasi nuk mungojnë ofertat nga Premier League, ku braziliani ka shkëlqyer më parë
Barça do të marrë të paktën 80 milionë euro për kartonin e mesfushorit, para që më pas do të kalojnë menjëherë te Interi, bashkë me një lojtar, që Lautaro të kalojë në Spanjë.ka.ta/Fjala.al/
