Pas disa muajsh me shifra të larta, Maqedonia e Veriut duket se po sheh shpresë lidhur me situatën e COVID-19. Për 24 orët e fundit autoritetet vendase të shëndetësisë kanë konfirmuar më shumë të shëruar se të infektuar.
Për 24 orët e fundit janë 88 raste të reja pozitive me COVID-19 nga 973 teste të realizuara. Numri i të infektuarve në total ka arritur në 8.197 persona, 3486 prej tyre janë ende aktivë.
Gjatë 24 orëve të fundit janë shënuar dhe tre humbje jete. Dy prej tyre janë nga Shkupi dhe një nga qyteti i Shtipit, të moshës mbi 60 vjeç dhe me sëmundje tjera kronike.
Numri i përgjithshëm i viktimave në vend ka arritur në 385, shumica prej tyre janë nga Shkupi, Struga, Tetova, Kumanova dhe Shtipi.
Lajmi i mirë është se gjatë 24 orëve të fundit betejën me COVID-19 e kanë fituar dhe 123 pacientë të tjerë duke e çuar në 4326 numrin total të të shëruarve.
/En.Br./Fjala.al
