Tottenham ka fituar derbin e Londrës me përmbysje me rezultatin 2-1. Kjo ndeshje ishte vlefshme për javën e 35-të të Premier League dhe skuadra e trajnerit Jose Mourinho ia ka dalë më së miri.
Ishin Topçinjtë ata që zhbllokuan ndeshjen në momentin e parë me një gol të mrekullueshëm të Lacazette në minutën e 16-të.
Gol ky që e bëri francezin lojtarin e parë të Arsenal që shënon kundër Spurs në shtëpi dhe në transfertë në një sezon të vetëm që nga sezonin 2012-2013 kur shënoi Mertesacker.
Vetëm 3 minuta më pas kanë reaguar edhe Spurs, të cilët barazuan me Son, i cili ka përfituar nga një gafë e mbrojtjes kundërshtare. Ai ishte goli i parë i Son në Premier League kundër Arsenal-it.
Ndërsa më pas skuadra e Mourinho-s kompletoi përmbysjen nëntë minuta para fundit, me Aldereweireld që ka kërcyer më shumë se të gjithë në një goditje nga këndi që u ekzekutua nga Son dhe e dërgoi topin në rrjetë.
Fitorja i dha mundësinë Tottenham-it që të parakalojë Arsenal-in në renditje dhe të ngjitet në vendin e tetë me 52 pikë.
Aktualisht Spurs ndodhen vetëm dy pozicione larg zonës së Europa League, kur kanë mbetur edhe tri ndeshje nga fundi i kampionatit.ka.ta/Fjala.al/
