Kelly Preston, bashkëshortja e aktorit, John Travolta, e ka humbur betejën me kancerin në gji dhe ka ndërruar jetë në moshën 57 vjeçare.
Preston, e cila luajti në role përkrah aktorëve të njohur duke filluar nga Tom Cruise te “Jerry Maguire”, ishte diagnostikuar me kancer të gjirit dy vjet më parë.
“Me zemër të thyer ju informoj se gruaja ime e bukur Kelly ka humbur betejën e saj dy vjeçare me kancerin e gjirit. Ajo luftoi me guxim dhe kishte dashurinë dhe mbështetjen e kaq shumë njerëzve”, u shpreh aktori me hidhërim të madh.
Preston pati një karrierë të gjatë aktrimi në filma dhe televizion, herë pas here duke u shfaqur së bashku në filma me burrin e saj, përfshirë këtu edhe “Battlefield Earth” në vitin 2000. Ajo luajti përballë Kevin Costner në filmin “For the Love of the Game”, 1999 dhe në vitin 2004 u shfaq në videon e këngës të Maroon 5 “She Will Be Loved”.
Dyshja e cila ishte e martuar prej 28 vjetësh kishin 3 fëmijë së bashku. Preston dhe Travolta u martuan në një ceremoni në Paris në 1991 kur ishin në pritje të ëmbël të djalit të tyre të parë, Jett.
Jett vdiq në moshën 16 vjeçare në janar 2009 në shtëpinë e pushimeve të familjes në Bahamas.
“ Ishte Kelly ajo që zgjodhi ta mbante betejën e saj private ajo kishte kaluar disa herë trajtim mjekësor, të mbështetur nga familja dhe miqtë e saj më të afërt. Ajo kishte një shpirt të ndritshëm, ishte e dashur dhe plot jetë kudo që ndodhej.” – kështu është shprehur një nga përfaqësuesit e familjes tek mediat. /Sa.Ka. Fjala.al/
