Skuadra e Redskins njoftoi se në të ardhmen e afërt do të ndryshojë emrin dhe logon e ekipit për të mos qenë ofenduese për popujt indigjenë të Amerikës.
Imazhi i ekipit të Uashingtonit është fytyra e një amerikani vendas dhe emri, i cili në shqip përkthehet “Lëkurëkuq”, ka tonë raciste ndaj ngjyrës së lëkurës të kësaj popullate raporton La Vanguardia.
Përmes një njoftimi kjo skuadër ka bërë me dije se po punohet për të gjetur një emër ekskluziv dhe që i përfaqëson ata më së miri.
“Dan Snyder, (pronari i ekipit) dhe trajneri Rivera janë duke punuar së bashku për të gjetur një emër të ri që rrit pozicionin e ekskluzivitetit tonë tradicional krenar dhe të pasur dhe frymëzon sponsorët tanë, tifozët dhe komunitetin për 100 tjetër vjet ”,-njoftoi klubi amerikan i futbollit.
Më 3 korrik ekipi në fjalë nisi një sondazh për të vlerësuar ndryshimin e emrit, i cili u realizua si pasojë e presionit nga organizatat që mbrojnë amerikanët vendas dhe sponsorët e ndryshëm.
Kur “Redskins” ishte akoma në Boston, FedEx, Nike, Pepsi dhe Bank of America u dolën kundër emrit, të cilin ekipi e kishte që nga viti 1933.
Vendimi i entitetit sportiv, një nga më tradicionalët në vend, vjen në një kohë veçanërisht të ndjeshme me padrejtësi racore në Shtetet e Bashkuara. Vdekja në duart e policisë së shtetasit të me ngjyrë, George Floyd shkaktoi një valë protestash.ka.ta/Fjala.al/
