NBA ka bërë me dije se ka zbuluar dy raste pozitive me koronavirus mes lojtarëve që kanë hyrë në Orlando . Të dy lojtarët kanë lënë kompleksin sportiv Disney World Resort për t’u karantinuar. Deri më tani, identitetet e të infektuarve nuk janë bërë publike.
Lojtarët që rezultuan pozitiv nuk dolën nga izolimi i detyruar nga NBA prej 48-orësh pas arritjes në Orlando , kështu që ligat shpresojnë se këto raste nuk janë fillimi i ndonjë shpërthimi raportojnë mediat ndërkombëtare.
Kampionati bëri një total prej 322 testesh të koronavirusit për të gjithë anëtarët e skuadrave pas mbërritjes në kompleksin Disney World Resort. Në këtë raund të parë të testeve, u zbuluan dy raste pozitive.
Në total, që nga fillimi i procesit të rikthimit në NBA 19 lojtarë kanë rezultuar pozitiv për Covid-19. Këta persona duhet të rezultojnë negativ në dy teste për të qenë në gjendje të ribashkohen në disiplinat e ekipeve të tyre për të marrë pjesë në kampionat.ka.ta/Fjala.al/
