Shifrat e COVID-19 në Maqedoninë e Veriut vazhdojnë të mbeten në shifra të larta. Për 24 orët e fundit autoritetet vendase të shëndetësisë kanë konfirmuar 198 raste të reja pozitive nga 1382 teste të realizuara.
Rastet e reja janë nga: Shkup 83, Kumanovë-12, Dibër-1, Shtip-21, Prilep-2, Tetovë-9, Strugë-3, Veles-2, Manastir-11, Ohër-3, Gostivar-10, Radovish-7, Koçani- 1, Probishtip-2, Demir Hisar-3, Shën Nikollë-27, Kërçovë -1.
Ndërkohë që gjatë 24 orëve të fundit kanë ndërruar jetë dhe katër pacientë të tjerë për shkak të Covid-19. Dy viktima janë nga Prilepi, një nga Shkupi dhe një nga Tetova. Viktimat janë të moshës 49, 61, 70 dhe 72 vjeçe.
Lajmi i mirë është se betejën me COVID-19 e kanë fituar dhe 97 pacientë të tjerë. 71 të shëruar janë nga Shkupi, 7 nga Shtipi, 12 nga Tetova, Veles-1, Manastir-1, Kocani -1, Probistip-1, Kërçovë-1, Resen-2.
Sipas statistikave të fundit në Maqedoninë e Veriut nga fillimi i pandemisë janë infektuar me COVID-19 8530 persona, prej të cilëve 4565 janë shëruar dhe 393 pacientë kanë humbur jetën. Për momentin ka 3572 raste aktive me Covid-19.
/En.Br./Fjala.al
