Presidenti i Republikës Ilir Meta ka reaguar sërish lidhur me ndryshimet kushtetuese që po kërkon të bëjë mazhoranca dhe opozita parlamentare për ndryshimin e sistemit zgjedhor dhe heqjen e koalicioneve.
Kreu i shtetit ka publikuar një video në rrjetet sociale të deklaratës së Edi Ramës më 23 nëntor të vitit 2013 gjatë konferencës për 15 vjetorin e Kushtetutës së Shqipërisë.
Rama në atë kohë deklaronte se çdo ndërhyrje në Kushtetutë s’mundet kurrsesi që të jetë një proces partiak dhe aq më pak një proces politik i njëanshëm.
“Çdo ndërhyrje në Kushtetutë, pavarësisht se nuk përbën asnjë lloj sakrilegji në vetvete, imponon domosdoshmërisht që në funksion të stabilitetit dhe në forcim të rendit kushtetues, gjithëpërfshirja të jetë koncepti bazë dhe më fillestar i saj. S’mundet kurrsesi që një proces i tillë të jetë një proces partiak dhe aq më pak një proces politikisht i njëanshëm. Padyshim, edhe në qoftë një proces politikisht i gjithanshëm, kjo është e pamjaftueshme kur flasim për Kushtetutën e një vendi, në jetën e të cilit partitë politike përfaqësojnë shumëçka por kurrsesi nuk përfaqësojnë gjithçka” ka deklaruar Rama në atë kohë.
“Ky vizion të dashur miq meriton vetëm duartrokitje! ???
Miratimi i Kushtetutës me REFERENDUM popullor është merita më e madhe e vetë Partisë Socialiste në këto tre dekada!”, shkruan Meta krahas videos.
/En.Br./Fjala.al
https://www.facebook.com/ilirmetazyrtar/videos/1652909178202833/
