Një 21 vjeçare ka ndërruar jetë si pasojë e koronavirusit në vendin tonë. Bëhet me dije se prej disa ditësh ajo ndodhej e intubuar në spitalin Infektiv.
Sipas burimeve për mediat bëhet me dije se 21-vjeçarja kishte dhe sëmundje bashkëshoqëruese. 21 vjeçarja është viktima më e re në moshë nga Covid-19 në Shqipëri.
Ministria e Shëndetësisë konfirmoi vdekjen e 21-vjeçares si dhe vdekjen e tre pacientëve të tjera.
“Situata paraqitet e rënduar në spitalin infektiv, ku janë shënuar 4 humbje jete në 24 orët e fundit. Mëngjesin e sotëm ka ndërruar jetë një vajzë e re 21 vjeçare, e cila ndodhej në terapi intensive e intubuar, si pasojë e simptomave të rënda të Covid19.
Gjendja e saj u rëndua në mënyrë të menjëhershme si pasojë e tromboembolisë fulminante dhe pavarësisht përpjekjeve maksimale të stafit mjekësor, e reja që vuante nga sindromi metabolik, nuk ka arritur të mbijetojë.”, u shpreh Mirela Cami, Drejtoresha e Përgjithshme e Shërbimeve të Kujdesit Shëndetësor./Re.Gu/Fjala.al
