Marrëveshja e 5 Qershorit/ Meta i falënderon eurodeputetët: S’mund të humbasim trenin e negociatave

113 563 lexime

124,178FansaPëlqeje

Presidenti i Republikës Ilir Meta ka reaguar pas deklaratës së tre eurodeputetëve të publikuar nga PE, për çështjen e marrëveshjes së 5 qershorit dhe integrimin.

Meta falënderon partnerët europianë për mbështetjen dhe thotë se kushti i parë për negociatat është miratimi urgjent i Marrëveshjes së 5 Qershorit.

“Falënderoj partnerët tanë europianë për mbështetjen e fortë për çeljen e negociatave, ku kushti i parë është miratimi urgjent i Marrëveshjes së 5 Qershorit. “BACK ON TRACK” – S’mund të humbasim trenin e negociatave!”, shkruan Meta.

Reagimi i Metës vjen pasi eurodeputetët kryesorë dolën me një deklaratë, që u hoq e më pas u ndryshua nga PE.

Në thelb të deklaratës ishte zbatimi i plotë i marrëveshjes së 5 qershorit mbi reformën zgjedhore të nevojshme para fillimit të negociatave të pranimit, si dhe qeveria dhe opozita duhet të ruajnë konsensusin ndër-partiak.

Parlamenti Evropian publikoi sërish apelin e 3 eurodeputetëve për qeverinë shqiptare, i cili u fshi një ditë më parë. Nga një deklaratë në formë ultimatumi se çdo modifikim i marrëveshjes së 5 qershorit pa konsensus mund të rrezikojë integrimin, qëndrimi i tyre merr një formë më të zbutur duke nënvizuar rëndësinë e marrëveshjes dhe konsensusin për integrimin. Ja çfarë ka ndryshuar.

ISHTE:

“Ne presim që shumica parlamentare të miratojë ndryshimet e nevojshme pa dëmtuar konsensusin e arritur midis Qeverisë dhe Opozitës më 5 qershor. Çdo modifikim i Marrëveshjes pa arritur një konsensus me të gjitha partitë politike, mund të rrezikojë realizimin e Konferencës së Parë për negociatat e anëtarësimit, dhe për rrjedhojë të ngadalësojë procesin e integrimit europian”.

U BË:

“Ne presim që shumica parlamentare të miratojë ndryshimet e nevojshme pa dëmtuar konsensusin e arritur midis qeverisë dhe opozitës më 5 qershor. Është e rëndësishme të arrihet një marrëveshje, të ruhet dialogu dhe konsensusi me të gjitha partitë politike, në mënyrë që të mund të thirret konferenca e parë për negociatat e anëtarësimit, dhe për këtë arsye të vazhdojë procesin e integrimit evropian”./Bl.Ba/Fjala.al

Të fundit

Debati për nevojën e mosndryshimit të PD

Nga Mero Baze Ky debat që në PD të mos ketë debat për Berishën, është më i pazakonti në botë. Në...

Turizmi luksoz ‘shkund’ xhepat në jugun e Shqipërisë/ Eksperti zbulon shifrat e çmendura

Duke folur mbi zhvillimet në këtë sektor, eksperti i turizmit Isa Krasniqi theksoi se përveç pushimeve tradicionale, në Shqipëri ekziston edhe një segment i...

1947: Incidenti i Roswell, një përplasje UFO dhe misteri që vazhdon të mbijetojë

Një ngjarje që ndryshoi perspektivat për jetën jashtëtokësore Në verën e vitit 1947, një ngjarje e pazakontë ndodhi në një qytet të vogël në jug...

“Doktrina e të papriturës”, si e ka ndryshuar Trump lojën globale të sigurisë

Presidenti amerikan, Donald Trump, njihet për një gjë të vetme e të sigurt: është i paparashikueshëm! Në një intervistë muajin e kaluar, kur u pyet...

Horoskopi ditor, 7 Korrik 2025

DASHI Venusi do jete shume i favorshem per ju sot. Marredhenia qe keni krijuar do jete me e qarte dhe do kuptoheni mjaft mire me...

Lajme të tjera

Web TV