Ka qenë një ndeshje që nuk para kishte shumë rëndësi sa i përket renditjes, pasi dy skuadrat e kanë të përcaktuar tanimë fatin e tyre, por asnjëra nuk ka hapur rrugë e për rrjedhojë gjithçka është mbyllur në barazim 1-1. Për më tepër, ka qenë edhe një duel shqiptar, teksa për Veronën ka luajtur Amir Rrahmani, por ka munguar Marash Kumbulla, ndërsa për Atalantën Berat Gjimshiti.
Pjesa e parë e sfidës është mbyllur me rrjeta të paprekura, ndërsa me fillimin e së dytës, Zapata i kalon miqtë në epërsi, në minutën e 50-të. Nëntë minuta më pas, Pesina barazoi shifrat për veronezët dhe kjo barazi në shifra do të mbetet në fuqi deri në fund, me të dyja skuadrat që ndajnë nga një pikë. Atalanta është barazuar me Interin e vendit të dytë, në kuotën e 71 pikëve, dy më tepër sesa Lacio.
Por si Interi, ashtu edhe Lacio kanë luajture një ndeshje më pak. Sidoqoftë, skuadra e Gjimshitit e ka siguruar vendin në fazën e grupeve të Ligës së Kampioneve edhe sezonin e ardhshëm dhe shqiptari e ka pranuar se barazimi ishte një rezultat i drejtë. “Një ndeshje e vështirë, por një pikë e rëndësishme për objektivin tonë”, – ka shkuar futbollisti kuqezi në një postim të shkurtër në rrjetet sociale.
Edhe ish-futbollisti i Kombëtares kuqezi, tanimë kapiteni i përfaqësueses së Kosovës, Amir Rrahmani, është shprehur i kënaqur me paraqitjen e skuadrës së Veronës jo vetëm në barazimin e së shtunën, por gjatë gjithë sezonit në Serie A. Pas ndeshjes, Rrahmani, të cili i mungoi partneri shqiptar në qendër të mbrojtjes, Marash Kumbulla për shkak të një dëmtimi, u shpreh i kënaqur me paraqitjen e skuadrës së tij.
“Një pikë tjetër në një ndeshje të vështirë, – shkroi Rrahmani mbi fotografinë e publikuar nga ndeshja në rrjetin social “Instagram”. – Mezi po pres ta përfundojmë këtë sezon të suksesshëm.” Rrahmani ka nënshkruar në janar për Napolin dhe do të luajë me ta sezonin e ardhshëm, ndërsa ende nuk dihet destinacioni i Kumbullës, që gjithashtu po kërkohet nga disa skuadra.ka.ta/Fjala.al/
