Gjatë ditës së sotme është bërë i mundur ekstradimi i tre të dënuarve shqiptarë nga Blegjika dhe Italia.
Bëhet fjalë për tre të dënuar për vepra penale të ndryshme.
Burime zyrtare bëjnë me dije se bëhet fjalë për shtetasit:
Gjon Menga, 56 vjeç, lindur në Mamurras, Kurbin i shpallur në kërkim ndërkombëtar nga ZQK Interpol Tirana, pasi Gjykata e Rrethit Gjyqësor Kurbin e ka dënuar me 25 vjet burgim, për veprat penale “Vrasja në rrethana cilësuese” dhe “Armëmbajtja pa leje”. Ky shtetas, në vitin 2004, ka vrarë me armë zjarri shtetasin L. S. dhe ka plagosur katër persona të tjerë. Nga Interpol Tirana u krye ekstradimi nga Belgjika drejt vendit tone.
Luigj Dema, 26 vjeç, lindur në Tiranë. Ky shtetas ishte shpallur në kërkim ndërkombëtar, pasi Gjykata e Rrethit Gjyqësor Tiranë e ka dënuar me 19 muaj e 4 ditë burg, për veprën penale “Prodhimi, mbajtja, shitja apo blerja e armëve të ftohta”.
Martin Begaj, 41 vjeç, lindur në Samatice, Berat. Ky shtetas ishte shpallur në kërkim, pasi Gjykata e Apelit Durrës ka rrëzuar vendimin e Gjykatës së Rrethit Gjyqësor Kavajë për lirimin me kusht të këtij shtetasi, duke urdhëruar vuajtjen e dënimit të mbetur, 1 vit, 1 muaj e 15 ditë burgim, për veprën penale ‘Vrasja me paramendim’. Shtetasi Menol Begaj ka vrarë me armë zjarri në qytetin e Beratit, shtetasin B. C.
U krye ekstradimi nga Roma, Itali, drejt vendit tone. /Ra.My. Fjala.al/
