Mjeku Genc Sulçebe ka deklaruar se njerëzit nuk mund të infektohen në vende të hapura dhe as në plazhe, por rreziku i vërtetë qëndron në ambientet e mbyllura.
Në një intervistë për ‘abcnews’, Sulçebe tha se edhe pse prisnim që virusi të sillej ndryshe me ardhjen e temperaturave të nxehta, ndodhi e kundërta.
“Është e vërtetë që të gjithë viruset sezonale janë të shprehur në periudha të ftohta. Në të nxehtë zhduken, e njëjta gjë pritej dhe me Covid-19 por kjo gjë nuk u vërtetua. Kjo mesa duket tregon se kemi të bëjmë me një virus që efektiviteti i tij është i lartë. Pra ka një qëndrueshmëri me sa duket më të lartë. Duhet të dimë se infektimi nuk ndodh në rrugë, në plazh, por ndodh në ambiente të mbyllura, të cilat në verë janë me ajër të kondicionuar. Nuk besoj se nëse dalim sot në 35 gradë rrezikojmë por në ambiente të mbyllura rreziku është më i madh”, u shpreh Sulçebe ./Re.Gu/Fjala.al
