Është zbardhur në kohë rekord ngjarja e ndodhur në orët e para të mëngjesit të sotëm, në rrugën “Tahir Sinani”, në lagjen Laprakë të Tiranës, ku shpërtheu një lëndë eksplozive në derën e jashtme të banesës së shtetasit Gj.Ll.
Uniformat blu bëjnë me dije se pas një pune intensive është bërë e mundur identifikimi dhe arrestimi i autorit të dyshuar të kësaj ngjarje.
Në pranga është vënë një 26-vjeçar, i identifikuar me inicialet E.M, banues në qytetin e Tiranës.
26-vjeçari ka pranuar autorësinë dhe është shprehur se shkaku i vendosjes së lëndës eksplozive ka qenë një konflikt që ai kishte patur me djalin e të zotit të banesës.
Materialet do t’i referohen Prokurorisë së Rrethit Gjyqësor Tiranë, për veprën penale “Shkatërrim i pronës me eksploziv”./re.gu/fjala.al
