Lideri i BDI-së në Maqedoninë e Veriut, Ali Ahmeti është ftuar në Gjykatën Speciale në Hagë për të dëshmuar. Lajmi është konfirmuar nga vetë Ahmeti gjatë një interviste për TV21.
“Po, është e vërtetë. Më ka ftuar Specialja dhe do të shkoj”, tha Ahmeti.
Kujtojmë se Gjykata Speciale javën e kaluar intervistoi presidentin e Kosovës, Hashim Thaçi, i cili akuzohet për krime lufte gjatë luftës Kosovë-Serbi. Ndërkohë ende nuk dihet nëse ftesa e Ahmetit ka lidhje me intervistimin e Thaçit.
Si intervistimi i Thaçit dhe ftesa e Ahmetit po vijnë pasi Gjykata Speciale më 24 prill ka paraqitur një aktakuzë për krime lufte dhe krime kundër njerëzimit. Me Thaçin, në aktakuzë është i përfshirë edhe Kadri Veseli tash kryetar i Partisë Demokratike të Kosovës dhe disa persona të tjerë emrat e të cilëve ende nuk janë bërë publik./Re.Gu/Fjala.al
