Ka nisur para pak minutash në Pallatin e Kongreseve mbledhja e Këshillit Politik për reformën zgjedhore.
Në mbledhje ka shkuar kryeministri Edi Rama dhe negociatori socialist, Damian Gjiknuri, si përfaqësues të mazhorancës, ndërsa nga opozita parlamentare kanë shkuar deputetja Rudina Hajdari dhe kreu i grupit parlamentar demokrat, Myslim Murrizi.
Ndërkohë, sa i përket opozitës jashtë parlamentare nuk do të marrin pjesë ditën e sotme, por janë shprehur se janë gati të ulen për diskutim të enjten ose të premten.
Mësohet se pjesë e tyrezës së sotme është dhe i dërguari i SHBA-së, Ian Crawford i cili është shefi i sektorit politik dhe ekonomik në ambasadën amerikane. Ian Crawford nuk është emër i padëgjuar për publikun shqiptar pasi ishte negociator i marrëveshjes së parë më 5 qershor.
Mbledhja e sotme vjen një ditë pas firmosjes së marrëveshjes mes PS-së dhe opozitës parlamentare ku u dakordësuan që të votojnë në seancën e 23 korrikut në Kuvend marrëveshjen e 5 qershorit dhe më 30 korrik ndryshimet kushtetuese.
/En.Br./Fjala.al
