Një shpërthim ka ndodhur në zonën e ish-Kombinatit Metalurgjik në Elbasan.
Sipas burimeve, shpërthimi ka ndodhur në repartin e oksigjenit në kompaninë Alba gaz.
Nga të dhënat e para mësohet se 3 punonjës kanë mbetur të plagosur, të cilët janë transportuar drejt spitalit Rajonal të Elbasanit.
Mësohet se ngjarja ka ndodhur si pasojë e rrjedhjes së gazit.
Nga të dhënat e para bëhet me dije se të plagosurit janë Q. M., 61 vjeç O.B. 69 vjeç dhe E.B 42 vjeç.
Njoftimi i Policisë
Elbasan/ Informacion paraprak
Në një subjekt privat “Alba Gaz”, në zonën e ish-metalurgjikut , si pasojë e rrjedhjes së gazit janë dëmtuar 3 puntorë shtetasit Q.M., 61 vjeç, O.B., 69 vjeç, dhe E.B., 42 vjeç, të cilët janë transportuar në Spitalin Rajonal Elbasan për ndihmën mjekësore dhe ndodhen nën kujdesin e mjekëve.
Menjëherë shërbimet e Policisë dhe të zjarrëfikses kanë shkuar në vendngjarje të cilët kanë bërë të mundur mbyllejn e gazit dhe shmangien e donjë shpërthimit të mundshëm.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.
/Fjala.al/Ke.Ba
