Përparim Kabo është gëzuar që Tirana fitoi titullin kampion. Ndonëse është tifoz me Partizanin ai shpreh kënaqësi që kampionatin e fitoi një ekip si Tirana. Në emisionin HARD TALK NGA ROLAND QAFOKU, Kabo nuk la pa shprehur zhgënjimin e tij për ekipin e Partizanit. Për atë fajtorë janë drejtuesit duke përjashtuar Gazmend Demin, presidentin e klubit.
-Të ka mërzitur partizani këtë sezon?
-Mërzitja është një gjë e madhe, por më ka zhgënjyer.
-Kush e ka fajin?
-Faji është institucion penal por cilët persona kanë përgjegjësi. Ata që drejtojnë.
-E keni fjalën për Olsi Ramën?
-Po nëse ai i përzgjodhi këta lojtarë, ai është përgjegjësi kryesor. Nëse ai përzgjodhi trajnierin e parë ai është përgjegjës.
-Ai trajnieri ishte zhgënjim komplet.
-Ky i dyti më keq, ai i pari jo dhe aq keq. Në Azerbajxhan dhe në Moldavi, partizani ka luajtur shumë mirë. Në Azerbajxhan, për një qime nuk jemi kualifikuar sepse Solomoni doli vetëm me portierin dhe e nxorri jashtë.
-Po presidentin e bëni përgjegjës?
-Ai është njeri liberal, jep vetëm paratë nuk ndërhyn. Të ishin të gjithë si ai, do ishte mirë./Fjala.al/Ke.Ba
https://www.youtube.com/watch?v=tpKnOJHYIY0
