Përtej dëmtimit të kampionit të botës, Mark Markez, edhe piloti i skuadrës kliente të “Honda”-s, Kal Kraçlou, iu nënshtrua kontrolleve mjekësore të enjten në kyçin e dorës së djathtë, të cilën e theu në një përplasje në xhiron e nxemjes të dielën dhe është konsideruar i gatshëm për të garuar.
Në një deklaratë të lëshuar të martën, pas operacionit të Markezit, kreu i ekipit të “Honda”-s, Albeto Puig, tha që ai priste që piloti britanik i skuadrës së “LCR Honda” të jetë në gjendje të garojë këtë fundjavë. Ndërkohë, një tjetër pilot i Moto GP-së ka marrë marrë miratimin e mjekëve për të gatuar në fundjavë.
Aleks Rinsi i Suzuki është cilësuar gjithashtu i gatshëm për të garuar këtë fundjavë, pasi e nxori nga vendi dhe e theu shpatullën e djathtë, në një përplasje të shpejtë në provat zyrtare të së shtunës së kaluar. Duke iu nënshtruar menjëherë ndërhyrjes, “Suzuki” bëri të ditur një postim në mediat sociale në fillim të kësaj jave se Rinsi tashmë po e merrte veten.
Fabio Kuartararo i skuadrës kliente të “Jamaha”-s, “Petronas”-it, kryeson renditjen e përgjithshme të pilotëve të nivelit më të lartë të Kampionatit Botëror të Motoçiklizmit, Moto GP, pasi korri për herë të parë një fitore fundjavën e kaluar, me Maverik Vinjalesin e “Jamaha”-s zyrtare dhe Andrea Doviciozon e “Dukati”-t që plotësuan podiumin.
Ndërkohë, kreu i skuadrës së “Honda”-s, Alberto Puig, shkaktoi polemika në fillim të kësaj fundjave, kur ai bëri komente që sugjeronin që fituesi i titullit botëror të këtij viti do të kishte më pak vlerë, nëse Mark Markezi do privohej nga mundësia, për shkak të dëmtimeve, të mos merre pjesë në gara./Fjala.al/
