Është konfirmuar sot në detyrë gjyqtarja e Gjykatës Administrative të Apelit, Blerona Hasa nga Komisioni i Pavarur i Kualifikimit.
KPK-ja është shprehur se ajo ka rezultuar e pastër në të treja shtyllat e verifikimit nga vetingu, kontrolli i figurës, vlerësimi i aftësive profesionale dhe analiza e pasurisë.
Trupa gjyqësore që kreu procesin e vetingut ishte e përbërë nga Xhensila Pine, Olsi Komici dhe Brunilda Bekteshi.
Blerona Hasa ka kryer studimet e Magjistraturës në vitet 1998-2001 dhe është emëruar fillimisht si gjyqtare në Gjykatën e Korçës. Në vitin 2011, Hasa është transferuar në Gjykatën e Tiranës, ndërsa në vitin 2013 është dekretuar si gjyqtare në Gjykatën Administrative të Apelit. /Ra.My.Fjala.al/
