Postimi i hartës së Shqipërisë së Madhe nga Dua Lipa teksa i bënte thirrje kompanisë “Apple” për të njohur Kosovën në hartë, ka ngjallur reagime të shumta në Serbi.
Këtë akt të këngëtares shqiptare me famë botërore nuk e ka “përtypur” dot as epidemiologia dhe zv.drejtoresha e Institutit për Shëndetin Publik në Serbi, Darija Kisiç Tepavçeviç.
Në emisionin “Hit Tweet”, ajo zbuloi se nuk e dinte kush ishte Dua Lipa dhe se kurrë nuk kishte dëgjuar për të dhe më pas ajo shprehu mendimin e saj për tërë historinë.
“Nëse e kuptoja saktë, është një deklaratë në Twitter e një zonje ose një zonjushe që merret me muzikë dhe ajo shkaktoi kaq shumë zhurmë dhe prodhoi kaq shumë komente dhe diskutime, dhe pastaj pyes veten nëse fjala e të gjithëve ka fuqi …”, deklaroi Kisiç Tepavçeviç.
Ajo ka pyetur se a e ka vizatuar Dua Lipa vet hartën, duke thënë se deklarata e saj është përpjekje për politizim.
“Artistët kanë qenë gjithmonë ata që i lidhin njerëzit. Arti është i mrekullueshëm dhe duhet të mbetet i tillë. Kjo është padyshim një përpjekje për politizim. A e vizatoi ajo vetë atë hartë? Dhe se duhet të jetë pak para negociatave në Bruksel”, ka shtuar epidemiologia.
/En.Br./Fjala.al
